Dear Augusta,

Me I no know o! I fit tell you say make you give him small time, but that one be say I dey decieve una. The way me I see am, the man don chop weting him want chop, and he chop am belle full sef - one whole week no be joke.

You talk say when him see you finish, na only transport money to go back without the one wey you take go meet am him give you? Shoo? And you no scatter him house?  

You come talk say he don tey wey him dey hammer you text meesage and  phone call, but as of now, him no dey call you again like before? It can be that his phone is having network problems, or it can be that he is fasting so he didn't want to be talking to woman too much. You know say lent season just finish?  

It also fit be say, as he don spend plenty airtime to dey call you and text you before you 'gree for am, for him mind, network don chop the money wey him for give you be that.

Next time make you shine your eye well before you carry your own money go deposit yourself for man doormot.

Me I don talk my own.

Na me, Aunty Ngozi.